karwa chauth ke liye traditional makeup look

Introduction -Karwa Chauth married women ke liye bahut special day hota hai. Is din patni apne pati ki lambi aayu aur sukh samriddhi ke liye nirjala vrat rakhti hai. Karwa chauth ke liye ek traditional makeup look usually classic aur elegant hota hai. Is look ko achieve karne ke liye aap yeh steps follow kar sakte hain:

1. Skin preparation -

 Makeup shuru karne se pehle ctm kare iska matlab ye hai ki cleaning, tonig and moisturizing. Makeup ke liye ek primer ka istemal karein taaki aapka makeup smooth lage.

2. Foundation -

Apne skin tone ke hisab se medium to full-coverage foundation ka istemal karein. Isse ek flawless finish milega. Dhyan rakhe ki foundation apke skin tone se perfect match karta ho.

3. Concealer -

Kisi bhi spots ya dark circles ko cover karne ke liye concealer ka istemal karein.

Ise nose area, lips corner aur chin me bhi lagaye. Under eye dark circles ko chhupane ke liye apne skin tone se ek tone dark shade use kare.

4. Setting powder -

Apne foundation aur concealer ko shine se bachane ke liye ek translucent setting powder se set karein. 

5. Eyebrows -

Apni eyebrows ko ek brow pencil ya powder se define karein.

6. Eye makeup -

Garam, earthy eyeshadow shades jaise ki gold, bronze, ya maroon ka chayan karein. Smokey eye look bana sakte hain ya winged eyeliner ka istemal drama ke liye kar sakte hain. Aakho me mota kajal lagaye isse aankhen badi dikhti hai. Mascara se makeup ko complete karein.

7. Blush & Highliter 

Apni gaalo par ek soft blush lagayein taki apka face healthy aur youthful lage. Gaal, nose aur upper lip me highlighter lagaye jisse face glowing aur chamakdar lage.

8. Lips -

Apni outfit ke sath matching wala traditional red ya maroon lipstick chunein ya fir nude shade lipstick bhi try kar sakte hai.

9. Sindur bindi 

Maathe par ek badi size ki bindi, Karwa Chauth makeup ka aam hissa hoti hai. Red, maroon ya outfit ke matching bindi lagaye. Iske sath hi liquid ya powder sindur lagaye. 

10. Jewellery -

Traditional jewellery jaise ki bangles, earrings, aur necklace wear kare ye dekhne mein sundar dikhenge aur apke look ko complete karega.

11. Hairstyle -

Baal ko loose waves ya elegant updo mein style karein, aur traditional hair accessories jaise maang tikka, fresh flowers ya artificial flowers se decorate kare.

12. Setting Spray -

Makeup ko long-lasting banane ke liye setting spray ka istemal karein.

Dhyan rahe ki makeup products ko apne skin type aur vyaktigat pasand ke hisab se chunein. Yeh look classic aur trendy hai, aur Karwa Chauth manane ke liye upyukt hai.